1. 請假
請假嘅重要性係，一諗到聽朝唔使7點起身開工，即刻雄心壯志大戰300回合。嗰股性趣簡直會如洪水猛獸般撲面以來。假期多的話，同情人一齊喺情人節同翌日連請，仲可以同農曆新年一齊連續放6日假呀。請假都係其中一招，聽起來好似有啲荒謬，但香港人生活實在太緊張，唔請假真係未必成事。
2. 若隱若現 如果兩個人已經發展到一齊住的話，情人節當日專登含糊其詞叫另一半落街行下，趁佢出咗門口，沖個靚涼著返套性感內衣，萬事俱備時text個紅唇emoji畀佢叫佢返來，記得應門時要表現得sexy啲呀。問過身邊男性朋友，呢招萬試萬靈。
3. 愛心小手作 諗唔到送咩情人節禮物的話，不如老套啲，送自己畀佢啦。朝早返工前留個message或者一張心意卡畀佢，叫佢預備定心情放工返屋企拆禮物。
4. 特別嘅按摩服務 另一個萬試萬靈嘅招數，係按摩。先由膊頭開始，再輕輕按到佢嘅胸膛，如果你唔係按摩師嘅話，記得唔好太大力，否則整傷咗就弄巧反拙了。 就算有對天生嘅凍柑手都唔緊要，按完膊頭改用咀唇錫錫，仲冧！
5. 新年情人節食少啲 食得太飽飯氣攻心除咗會令人無心機做嘢，仲會無心機搞嘢。而且聖誕之後又新年，情人節過後跟住又嚟農曆新年，少不免遇上打邊爐BBQ聚會，唔忍下口嘅話，見到自己個肚腩咁壯觀，都會減低曳曳嘅意慾架。
6. 酒精有助燃作用 對於怕羞嘅情侶，少少酒精係可以令緊張嘅心情放鬆一點的，亦會無咁害羞嘅。但首先要記住，飲酒要節制，因為太醉除咗影響駕駛能力之外，亦會影響床上戰鬥力哦。總之Drink Responsibly啦。
7. 廚房清潔要做好 好多情侶都覺得情人節一定要搵個特別嘅地方大戰，其實只要離開張床，屋企嘅其他地方都已經夠特別，例如係大廳嘅梳化或者食飯枱（注意：玻璃枱就咪搞喇），想更浪漫一點的話，喺屋企食情人節大餐啦，無論係你煮緊聖誕大餐，或者佢洗緊碗，親密嘅事都可以隨時發生。
8. 記得搵定戰場 睇到呢點先發現你倆各自同屋企人住，或者一早已經三年抱兩，竟然無地方纏綿？記得諗定一個浪漫嘅地方共度情人節，千萬唔好咁性急隨街開戰呀，而家上網搵酒店咁方便，幾百蚊就有房租，要曳曳唔一定要喺百佳維記架喇。